Badie wa Misri afungwa maisha

Mahakama nchini Misri imemuhukumu kiongozi wa Kidini wa Chama cha Udugu wa Kiislamu, Mohammed Badie na wenziwe saba kifungo cha maisha kutokana na mashtaka ya kupanga vurugu, kuuwa na hujuma. Kesi hiyo inatokana na ghasia zilizofanyika msimu wa kiangazi uliopita baada ya kuondolewa madarakani rais Mohammed Morsi, ambapo mapigano yaliuwa watu 10 na wengine 20 kujeruhiwa. Jaji kiongozi  katika mahakama, Mohammed Nagi Shehata vilevile amewahukumu watu sita wenye msimamo mkali wa Kiislamu adhabu ya kifo pasipokuwepo mahakamani. Kwa mujibu wa sheria za Misri, kesi yao inaweza kusikilizwa upya pale watakapopanda kizimbani. Baada ya kuondolewa madarakani rais Morsi, serikali ilianzisha operesheni yenye lengo la kuwaondosha kabisa waliokuwa wakimuunga mkono Mursi waliopiga kambi mjini Cairo na kuuwa mamia ya watu na kuwaweka kizuizini maelfu wengine wakiwemo maafisa waandamizi wa chama cha Udugu wa Kiislamu.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.