Kaguo Cup yaanza kurindima Wilayani Mufindi

Katibu CCM wilaya ya Mufindi Miraji Mtaturu akikagua wachezaji kabla ya mchezo kuanza

Mtaturu alionyesha umahiri wa kupiga penati kuashiria kufunguliwa kwa mashindano hayo

Viongozi mbalimbali wa CCM Mufindi wakifuatilia mtanange huo wakati wa ufunguzi.Picha zote na (Mathias Canal)

Yohanes Kaguo, Diwani kata ya Makungu akizungumzia mashindano hayo

Diwani Kaguo akikagua wachezaji kabla ya mechezo kuanza

Mtaturu akinena jambo kabla ya mchezo kuanza

Na Mathias Canal-Mufindi

Mashindano ya mpira wa miguu yanayojulikana kama Kaguo Cup 2014 yameanza rasmi Wilayani Mufindi ambapo yatazikutanisha timu nane kutoka vijiji tofauti tofauti Wilayani humo.

Akizungumza na vijana waliojitokeza wakati wa ufunguzi wa mashindano hayo Diwani wa Kata ya Makungu, Yohanes Kaguo alisema kuwa lengo la mashindano hayo ni kuwaweka vijana pamoja ili kuimarisha mahusiano mazuri baina yao ikiwa ni pamoja na kuwahamasisha kushiriki kujiandikisha kwenye daftari la mkazi kwa ajili ya uchaguzi wa serikali za mitaa.

Kaguo aliongeza kuwa mashindano hayo yanatarajiwa kumalizika tarehe 13/12/2014 siku moja kabla ya uchaguzi wa serikali za mitaa hivyo kupitia mashindano hayo vijana watakuwa wamehamasika kujihusisha na shughuli za maendeleo ikiwa ni pamoja na kilimo na ufugaji sambamba na kujiadhikisha na kupiga kura.

kwa upande wake Meshack Luhala ambaye ni katibu wa kamati ya michezo hiyo alisema kuwa mashindano hayo yatashirikisha timu 8 ambapo katika kundi A kutakuwa ni timu nne na kundi B vivyo hivyo kutakuwa na timu nne.

Alizitaja timu hizo kuwa ni Kitasengwa Fc, Lugema Fc, Super Star Fc, Villa Fc, Mpm Fc, Lugolofu Fc, Watumishi Fc pamoja na G.R.L Fc.

Aliongeza kuwa katika mashindano hayo mshindi anatarajia kujinyakulia kikombe pamoja na kitita cha shilingi 500,000, Mshindi wa pili atajinyakulia shilingi 300,000 huku mshindi wa tatu akijinyakulia shilingi 200,000

Kwa upande wake mgeni rasmi katika ufunguzi wa mashindano hayo, Miraji Mtaturu ambaye ni katibu wa chama cha Mapinduzi (CCM) Wilaya ya Mufindi alisema kuwa kila kijana anapaswa kujihusisha kwenye michezo ili kuachana na matumizi ya madawa ya kulevya, ngono zembe sawia na wizi.

Alisema kuwa mashindano hayo yameanzishwa maalum kwa ajili ya vijana ili kuhamashisha amani, Upendo na mshikamano uendelee kudumu Wilayani humo.

"Leo ninayafungua mashindano haya ya mpira wa miguu lakini kila timu inayocheza leo kwenye ufunguzi huu, nitaipatia shilingi 50,000 pia ili kusukuma mashindano haya Ofisi yangu CCM Wilaya itachangia shilingi 200,000 ambazo nitamkabidhi Diwani wenu" Alisema Mtaturu

Mtaturu alisema kuwa kila mchezaji anapaswa kuweka nia ya kufanya vizuri ili aweze kushiriki ligi kuu ya Tanzania Bara kwani kucheza bila malengo na kujituma itafanya vijana wasipate ajira kwenye timu mbalimbali duniani kote.

Aidha kauli mbiu ya mashindano ya Kaguo Cup 2014 "VIJANA KUJIEPUSHA NA UKIMWI" inatarajiwa kuwafikia vijana wengi hivyo kuhamasika kupima na kufanya mapenzi salama kwa kutumia kondomu ikiwa ni njia sahihi ya kujikinga na maambukizi ya Virusi vya Ukimwi/Ukimwi.

Hata hivyo mashabiki waliojitokeza kwenye mashindano hayo walishuhudia mchezo huo kati ya Lugema Fc na Villa Fc ukimalizika kwa timu zote kuchoshana nguvu kwa kufungana goli moja kwa moja ambapo timu ya Lugema Fc ndio ilikuwa ya kwanza kupata goli la kuangoza katika dakika 66 kupitia kwa mshambuliaji wake Bakari Mwalimu kabla ya Fred Kipondamali kuisawazishia timu Villa Fc katika dakika 72 ya mchezo hivyo kupelekea mashindano hayo kumalizika kwa sare.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.