IS wapata mafanikio dhidi ya majeshi ya Syria upande wa mashariki

Kundi  la  Dola  la  Kiislamu  limekamata  maeneo  mapya  kutoka kwa  majeshi  ya  Syria  mashariki  mwa  mji  wa  Deir al-Zor  leo, ikiwa  ni  mafanikio  yake  ya  kwanza  katika  eneo  hilo katika  muda wa  miezi  miwili. Wapiganaji  kutoka  kila  upande  wameuwawa katika  mapambano  hayo  mjini  Deir al-Zor, mji  ulioko  kilometa 450  kaskazini  mashariki  mwa  Damascus  katika  jimbo linalopakana  na  Iraq. Dola  la  Kiislamu , ambalo  linalengwa  katika mashambulio  ya  anga  ya  Marekani  nchini  Iraq  na  Syria , limekamata  maeneo  makubwa  ya  eneo  la  viwanda  la Deir al-Zor, ikiwa  na  maana  kuwa  kundi  hilo  sasa  linadhibiti  zaidi  ya  nusu ya  mji  huo. Mkuu  wa  shirika  linaloangalia  haki  za  binadamu nchini  Syria Rami Abdul Rahman  amesema  kundi  hilo  la wanamgambo  wa  Kiislamu , ambalo linapambana  na  majeshi  ya Wakurdi  kuudhibiti  mji  wa  Kobani  katika  mpaka  na  Uturuki limepeka  wapiganaji  zaidi  mjini Deir al-Zor katika  siku  za  karibuni.
Wakati  huo  huo Uingereza  imesema leo imeidhinisha kupelekwa ndege zenye  silaha  na  zisizo  na  silaha zinazoruka  bila  rubani kwa  ajili  ya  uchunguzi  wa  kijasusi  katika  anga  ya  Syria, ili kupata  taarifa  za  kijasusi za  kundi  la  Dola  la  Kiislamu

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.