Pistorius aanza maisha ya jela

Kuporomoka kwa hadhi ya mwanariadha  nyota anayekimbia  kwa miguu  ya  bandia  Oscar Pistorius  kutoka mwanariadha nyota  wa kimataifa  kumekamilika  leo wakati  alipopelekwa  katika  jela  mjini Pretoria  kuanza  kutumikia hukumu  ya  miaka  mitano  jela.
Pistorius  atakuwa  mmoja  kati  ya  wafungwa 7,000  katika  gereza la  Kgosi  Mampuru , ambako  alipelekwa  saa chache  baada  ya kuhukumiwa  kwa kumuua  mpenzi  wake  Reeva Steenkamp  katika siku  ya  wapendao  mwaka  jana. Likijulikana  hapo  zamani   kama gereza  la  kati  mjini  Pretoria , jela  hiyo  inafahamika  kwa  ukatili dhidi  ya  wafungwa  wa  kisiasa  walioshikiliwa  chini  ya  utawala wa  kibaguzi  ambao  ulianguka  miaka  20  iliyopita.
Wakati  huo  huo Waafrika  kusini wameeleza  kukatishwa  kwao tamaa  na  hukumu  ya  miaka  5 aliyopewa Pistorius , wengi wakisema  amepata  hukumu  nyepesi  kwa  kumuua  mpenzi  wake Reeva  Steenkamp. Wizara  ya  sheria  imesema  kimsingi mwanariadha  huyo atatumikia  miezi 10 tu jela.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.