Wakurdi wakimbia vita Syria

Watu wapatao elfu moja kutoka jamii ya Wakurdi wa Syria wamekusanyika kwenye eneo la mpakani wakitaka kuvuka kuingia nchini Uturuki hii leo baada ya wapiganaji wa kundi la Dola la Kiislamu kuviteka vijiji 21 na kuuzingira mji wa Wakurdi kaskakazini mwa Syria. Taarifa zinasema watu hao ambao wengi ni wanawake na watoto wamekusanyika kando ya ua wa seng'enge katika mpaka wa kuingia Uturuki  kwenye kijiji cha Dikmetasa uliko kilomita 20 kutoka mji wa kikurdi wa Ayn Al-Arab nchini Syria ambao pia unafahamika kama Kobani kwa lugha ya Kikurdi. Mashambulizi dhidi ya mji huo wa Kobani yamechochea wanamgambo wa Kikurdi kuwatolea mwito vijana kutoka eneo la kusini mashariki ya Uturuki ambalo linakaliwa zaidi na Wakurdi  kujiunga katika mapambano hayo dhidi ya waasi wa Dola la Kiislamu. Mwito huo umekuja siku chache tu baada ya jeshi la Marekani kusema msaada wa Wakurdi wa Syria utahitajika katika mapambano dhidi ya waasi hao wa itikadi kali.

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.